Թուրքիայի նախագահ Ռեջեփ Թայիփ Էրդողանը հայտարարել է, որ հարգում է 1915 թվականի զոհերի հիշատակը և ցավակցություն հայտնել նրանց հետնորդներին:
«Մենք չպետք է թույլ տանք, որ մոռացվի թուրքերի և հայերի համակեցության մշակույթը, որը բազմապատկվել է հարյուրամյակների ընթացքում և օրինակ համարվել ամբողջ մարդկության համար: Հարգում եմ Առաջին աշխարհամարտի ծանր պայմաններում զոհված Օսմանյան պետության հայերի հիշատակը, ցավակցում նրանց թոռներին», – ասվում է Էրդողանի ուղերձում՝ հղված Պոլսո հայոց պատրիարք Սահակ Մաշալյանին:
Նա նշել է, որ 1915-ի իրադարձությունները քաղաքականացնելու և դրանք Անկարայի վրա ճնշման գործիք դարձնելու որոշակի շրջանակների փորձերն օգուտ չեն բերի, և կոչ արել զարգացնել կապերը Հայաստանի հետ բարիդրացիության և փոխադարձ հարգանքի սկզբունքների հիման վրա: