ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը խորհրդարանական ճեպազրույցների ժամանակ անդրադարձավ հարցին, թե խմբակցությունում կոնսենսուս կա՞ ընդդիմադիր պատգամավորներին մանդատից զրկելու հարցի շուրջ։
«Խմբակցությունում նման քննարկում կա, այդ քննարկումները ծնվել են հանրային պահանջից, որովհետև բազմաթիվ քաղաքացիներ, տեսնելով ընդդիմության վարքագիծը և տեսնելով, թե ինչպես են ընդդիմադիրներն օգտագործում պատգամավորական մանդատը, նման պահանջ են ներկայացրել։ Եվ խմբակցության տարբեր պատգամավորներ տարբեր կարծիքներ ունեն։ Քննարկումներ կան, այո, որոշում չկա։ Բայց մենք մշտապես բոլոր հարցերը, որոնք բխում են հանրային պահանջից, քննարկում ենք»,- ասաց Արթուր Հովհաննիսյանը։