Փետրվարի 19-ին Թբիլիսիում անցկացվել է տոնական միջոցառում՝ նվիրված Հովհաննես Թումանյանի ծննդյան 153 ամյակին։
Միջոցառման շրջանակներում վիրահայ համայնքի և Վրաստանում ՀՀ դեսպանության ներկայացուցիչները այցելել են Հայ գրողների և հասարակական գործիչների «Խոջիվանք» պանթեոն, ծաղիկներ խոնարհել Հովհաննես Թումանյանի շիրմաքարին։
Թումանյանի ստեղծագործությունների արտասանությամբ հանդես են եկել վիրահայ դպրոցականներն ու Վիրահայոց թեմի նախակրթարանի սաները։
Գիրք նվիրելու օրվա կապակցությամբ պանթեոնում անցկացվել է նաև միմյանց գիրք նվիրելու ավանդական միջոցառումը։