Թուրքիայի նախագահ Ռեջեփ Թայիփ Էրդողանը չի բացառել, որ Ադրբեջանի հետ ստորագրված Շուշայի հռչակագրի շրջանակներում կարող է խոսվել Ադրբեջանի տարածքում Թուրքիայի զինված ուժերի ռազմաբազա ստեղծելու մասին: Այս մասին նա ասել է այսօր լրագրողների հետ հանդիպման ժամանակ, հաղորդում է ՏԱՍՍ գործակալությունը հղում անելով NTV հեռուստաալիքին։
«Բազայի ստեղծման տարբերակը դուրս չի գալիս ստորագրված հռչակագրի դրույթներից: Այս հարցի զարգացումը հնարավոր է եւ այն կարող է մշակվել Ադրբեջանի նախագահ Իլհամ Ալիևի և ՌԴ նախագահ Վլադիմիր Պուտինի խորհրդակցությունների ընթացքում», – ասել է Էրդողանը։
Թուրքիայի ղեկավարը նշել է, որ այս պահին առաջնայինը Ադրբեջանի սահմանի երկայնքով անվտանգության երաշխիքների ապահովման և դրա պաշտպանության խնդիրն է: