ՀՀ վարչապետ Նիկոլ Փաշինյանը հայտարարել է, թե Հայաստանը հավատում է, որ ժողովրդավարությունն ի վիճակի է ապահովել անվտանգությունը։
«Ժողովրդավարության հայկական ֆորում»-ի ելույթում նա ասել է. «Մենք հավատում ենք, բայց դա դեռ պետք է ապացուցել, և ես հույս ունեմ ու ինչ-որ տեղ համոզված եմ, որ ի վիճակի կլինենք այդ հարցին դրական պատասխան տալ»։
Ըստ նրա, ժողովրդավարությունը հարակից ու աջակցող բրենդներ կունենա։ Դրանցից մեկը, ըստ նրա, տնտեսական բարձր աճն է, մյուսը՝ խաղաղությունը. «Այս եռամիասնությունն է, որ պետք է ծառայի բուն նպատակին։ Մեր խնդիրը հետևյալն է, որ ազատության ու ժողովրդավարության պայմաններում մարդը Հայաստանում լինի բարեկեցիկ, պաշտպանված, երջանիկ ու կարողանա զբաղվել իր սիրած գործով», – ասել է նա։