Թեքսաս նահանգի ատենակալների կոլեգիան Իրանի քաղաքացի Մեհրդադ Անսարիին մեղավոր է ճանաչել Միացյալ Նահանգներից ռազմական նշանակության բաղադրիչների ստացման և արտահանման համար ներգրավվածության գործով, փոխանցում է ТАСС-ը:
Անսարին պատկանում է Gulf Gate Sea Cargo LLC տրանսպորտային ընկերությունը: Նա հանցակիցների կողմից պատվիրված բաղադրիչները կարող էին օգտագործվել նաև միջուկային զենքում, հրթիռների ուղղորդման համակարգերում, ռադիոխանգարումների տեղադրման սարքերում: Ընդ որում, փորձելով 2007-ից 2011 թվականներին մոտ 2.6 միլիոն դոլարի ավելի քան 105 հազար պահեստամաս ձեռք բերել, հանցագործները չեն ստացել անհրաժեշտ արտոնագիր՝ այդ բաղադրիչների արտահանման համար:
Անսարիի դատավճիռը կկայացվի սեպտեմբերի 1-ին: Իրանի հետ առևտրային կանոնների խախտման համար նրան սպառնում է 20 տարվա ազատազրկում, ևս հինգ տարի՝ էլեկտրոնային խարդախության համար, նույն պատժաչափը՝ ԱՄՆ ֆինանսների նախարարության նկատմամբ խարդախության փորձի համար, և հինգ տարի՝ կեղծ ցուցմունքների յուրաքանչյուր դրվագի համար: