Հյուսիս-հարավ ճանապարհի Տրանշ-3-ի Լանջիկ-Գյումրի հատվածում ընթացիկ շինարարական աշխատանքներ են։ Տարբեր տեղամասերում կատարվում է հողային հանույթ, լիցք, կառուցվում են արհեստական կառուցվածքները, ճանապարհի հիմքը, ջրահեռացման համակարգը, որոշ հատվածներում իրականացվում են ասֆալտապատման աշխատանքներ։
Շինաշխատանքները կատարվում են Եվրոպական ներդրումային բանկի և ՀՀ կառավարության ֆինանսավորմամբ։
Ճանապարհի վերակառուցումն իրականացնում է չինական «Սինոհիդրո Քորփորեյշն» ՍՊԸ-ն, տեխնիկական հսկողությունը՝ իտալական «ԱյԱրԴի Ինջինիերինգ» ընկերությունը։