Հայաստանում ընտրությունները նոր են կայացել, այժմ պետք է սպասել կառավարության ձևավորմանը, որպեսզի հասկանանք, թե ինչպես կարող են այդ գործընթացները ազդել, այդ թվում՝ Լեռնային Ղարաբաղի իրավիճակի վրա: Այս մասին երկուշաբթի հայտարարել է Ռուսաստանի ԱԳ նախարար Սերգեյ Լավրովը:
«Ընտրությունները նոր են տեղի ունեցել: Դեռ պարզ չէ, թե ինչպես այդ արդյունքները նոր պայմաններում կազդեն քաղաքական կյանքի ձևավորման վրա: Սպասենք կառավարության ձևավորմանը», – ասել է Լավրովը՝ պատասխանելով այն հարցին, թե ինչպես կարող են անցած ընտրություններն ազդել Ղարաբաղում և տարածաշրջանում տիրող իրավիճակի վրա:
Ըստ նրա՝ Մոսկվան ելնում է նրանից, որ Ռուսաստան-Ադրբեջան-Հայաստան եռակողմ պայմանավորվածություններն աշխատում են:
