Հայաստանի առաջին նախագահ Լեւոն Տեր-Պետրոսյանը մի քանի օր առաջ որպես ներքաղաքական ճգնաժամի լուծման տարբերակ առաջարկել էր, որ Փաշինյանն անվտանգության երաշխիքներով ապաստան ստանա արտերկրում եւ անցկացվեն արտահերթ խորհրդարանական ընտրություններ:
Նիկոլ Փաշինյանն այսօր Արագածոտնի մարզում, տեղի բնակիչների հետ հանդիպման ժամանակ անդրադառնալով Տեր-Պետրոսյանի առաջարկությանն ասել է, որ Լևոն Տեր-Պետրոսյանն իր կարիերայի ընթացքում երկու անգամ փախուստի լավ օրինակ է ցույց տվել:
Վարչապետը նշեց, թե երբևէ չի փախնելու եւ, եթե ժողովուրդը որոշի, որ իրեն պետք է գնդակահարեն, նա խելոք կկանգնի:
