Ախթալայի Սուրբ Մարիամ Աստվածածին եկեղեցում տեղի ունեցավ Արմեն Հարությունյանի` Արմեն Լոռենցի, նկարների ցուցադրությունը:
Նախքան ցուցադրության սկսվելը՝ Արմեն Լոռենցը հանդես եկավ բացման խոսքով ընդգծելով՝ Լոռու մարզի կարևորությունն իր համար։ Նկարչի խոսքով իր կտավներում Լոռին և այդ մարզի չքնաղ բնությունը մեծ տեղ են գտել։
Լոռենցի նկարներից յուրաքանչյուրը ստեղծվել են մտքի և միջավայրի համադրումից: Նրա արվեստը օգնում է ճանաչել աշխարհը, ձևավորելով մարդկանց հոգևոր նկարագիրը, նրանց զգացմունքներն ու մտքերը: Լոռենցի կողմից այդ ամենը արտահայտվել է յուրհատուկ ձևով:
Այստեղ մենք կարող էինք դիպչել, զգալ այն արվեստը, որը ստեղծել էր նկարիչը: Նրա նկարներում կյանքը լի է վառ ու բազմազան գույներով, խորը և տպավորիչ ժամանակաշրջաններով։
Յուրաքանչյուր ստեծագործություն ունի իր պատմությունը։ Արվեստի բոլոր գույները Լոռենցի հոգուց են բխում։ Նրա յուրաքանչյուր նկարում գտնում ես ինքդ քեզ։ Լոռենցի բոլոր կտավները յուրահատուկ գեղեցկություն ունեն։ Բնանկարները մտովի տեղափոխ են Լոռվա բնաշխարհ; Այդ բնանկարներով Արմեն Լոռենցը իր ուրույն տեղը գտավ հայ արվեստի մեջ։
Հեղինակ՝ Մարինկա Ալեքսանյան