ՀՀ ազգային ժողովի «Հայաստան» խմբակցությունն առաջարկում է գերիների հարցով լսումներ անցկացնել, որի ներկա կլինեն նաեւ գերիների, անհետ կորած համարվող անձանց հարազատները, նաեւ պատկան մարմինների ներկայացուցիչներին: Այս մասին ԱԺ դեկտեմբերի 8-ի նիստում հայտնել է խմբակցության քարտուղար Արծվիկ Մինասյանը:
«Նկատի առնելով երեկվանից գերիների, անհետ կորածների հարազատների պահանջներն ու վրդովմունքը, ԱԺ շենքի հարակից տարածքում մեր հայրենակիցների հավաքը՝ առաջարկում ենք կոնսենսուսով որոշում կայացնել այսօր՝ կառավարության հետ հարցուպատասխանից հետո անցկացնել լսում՝ հրավիրելով Նիկոլ Փաշինյանին, պաշտպանության նախարարին, ԱԱԾ տնօրենին, արտաքին գործերի նախարարին, ինչպես նաև հարազատների ներկայացուցիչներին՝ հնչեցվող հարցերին պատասխաններ տալու համար»,-ասաց Մինասյանը:
Ըստ Արծվիկ Մինասյանի՝ հայրենակիցները բազմաթիվ հարցեր են հնչեցնում, և հիմա դա շատ իրական հնարավորություն է, որ այստեղ բոլոր հարցերին պատասխաններ տրվեն: