Կիևի առավոտյան հրթիռակոծության հետևանքով զոհվել է 5 խաղաղ բնակիչ, 12-ը վիրավորվել է, հայտնել է Ուկրաինայի ՆԳՆ ղեկավարի խորհրդական Անտոն Գերաշենկոն։ Նշվում է, որ հրթիռներից մեկը հարվածել է Կիևի կենտրոնում գտնվող Տարաս Շևչենկոյի զբոսայգու մանկական խաղահրապարակին։
Ավելի վաղ Կիևի քաղաքապետ Վիտալի Կլիչկոն հայտարարել էր, որ պայթյուններ են որոտացել մայրաքաղաքի կենտրոնական թաղամասերում։
«Մի քանի պայթյուն Շևչենկովսկի շրջանում»,- գրել էր նա։
