Հայաստանի վրա Ադրբեջանի հարձակման հետևանքով հայկական կողմի զոհերի հաստատված թիվը 135 է: Կառավարության նիստի ընթացքում այս մասին հայտնել է ՀՀ վարչապետ Նիկոլ Փաշինյանը: Ըստ նրա այս թիվը դեռևս վերջնական չէ: Կան նաև բազմաթիվ վիրավորներ:
Նիստի մեկնարկին վարչապետը նշեց, որ սեպտեմբերի լույս 13-ի գիշերը Ադրբեջանի զինված ուժերը ագրեսիա են իրականացրել Հայաստանի Հանրապետության ինքնիշխան տարածքի դեմ: Զինված ուժերի բազմաթիվ ներկայացուցիչներ, զինվորներ հայրենիքի պաշտպանության դիրքերով անձնուրացաբար զոհել են իրենց կյանքը: Կառավարության անդամները մեկ րոպե լռությամբ հարգել են զոհերի հիշատակը: