Հնդկաստանի Չենայ քաղաքում ավարտին մոտեցող շախմատի 44-րդ Համաշխարհային օլիմպիադայի նախավերջին՝ 10-րդ տուրում Հայաստանի հավաքականը մրցեց ադրբեջանցիների հետ և վստահ հաղթանակ տարավ 3-1 հաշվով։
Հայաստանի հավաքականից առաջին համար Գաբրիել Սարգսյանը սևերով հաղթեց Շաքրիյար Մամեդյարովին, իսկ Ռոբերտ Հովհաննիսյանը սպիտակներով հաղթեց Նիջաթ Աբասովին։
Հրանտ Մելքումյանը՝ սպիտակներով ոչ ոքի խաղաց Գադիր Գուսեյնովի հետ, իսկ Մանուել Պետրոսյանը սև խաղաքարերով ոչ ոքի խաղաց Վասիֆ Դուրարբայլիի հետ։
Վերջին տուրից առաջ Հայաստանի հավաքական ունի 17 միավոր և ընթացիկ առաջատարն Է։