Ռուսական «Գազպրոմ էքսպորտ»-ը և ադրբեջանական SOCAR ընկերությունը կարճաժամկետ պայմանագիր են կնքել «Հյուսիսային Կովկաս – Անդրկովկաս» գազատարի պլանային նորոգման աշխատանքների ընթացքում ռուսական գազի Հայաստան մատակարարման համար: Այս մասին հայտնում է ռուսական ընկերությունը:
«Գազպրոմ էքսպորտ» ՍՊԸ-ն և Ադրբեջանի Հանրապետության պետական նավթային ընկերությունը մարտի 16-ին կարճաժամկետ պայմանագիր են կնքել Ադրբեջանի տարածքով ռուսական գազի փոխադրման համար»,- նշել են ընկերությունում:
Ինչպես նշվում է, «Հյուսիսային Կովկաս – Անդրկովկաս» գազատարի պլանավորված կանխարգելիչ աշխատանքների ընթացքում ռուսական գազը Հայաստան կմատակարարվի Ադրբեջանի տարածքով:
Նշվում է, որ վերանորոգումը կարող է տևել շուրջ երեք շաբաթ: