Բուդապեշտում ընթացող ըմբշամարտի օլիմպիական վարկանիշային մրցաշարի 57 կգ քաշային կարգի եզրափակիչում Արսեն Հարությունյանը մրցել է բուլղարացի Գերոգի Վանգելովիի հետ եւ հաղթել 8:3 հաշվով: Հարությունյանը նախօրեին հաղթելով կիսաեզրափակիչում ապահովել էր Տոկիոյի 32-րդ ամառային Օլիմպիական խաղերի ուղեգիր:
Իսկ 65 կգ քաշային կարգի եզրափակիչում Վազգեն Թևանյանը հաղթել է Ադրբեջանը ներկայացնող Հաջի Ալևին` 9:0 հաշվով:
Մինչ այս ըմբշամարտում Հայաստանն ուներ երկու ուղեգիր` Տոկիոյի Օլիմպիական խաղերին պետք է մասնակցեն հունահռոմեական ոճի ըմբիշ օլիմպիական խաղերի չեմպիոն Արթուր Ալեքսանյանը և Կարապետ Չալյանը:
Հիշեցնենք, որ Տոկիոյի 32-րդ ամառային Օլիմպիական խաղերը կորոնավիրուսի համավարակի պատճառով հետաձգվել են: Դրանք կմեկնարկեն 2021 թվականիհուլիսի 23-ին և կեզրափակվեն օգոստոսի 8-ին:
