Ֆուտբոլի աշխարհի առաջնության եվրոպական գոտու ընտրական մրցաշարի 1-ին տուրի շրջանակում Լիխտենշտեյն – Հայաստան հանդիպումն ավարտվեց Հայաստանի հավաքականի հաղթանակով։ Հայաստանի ընտրանին մրցակցին հաղթեց 1։0 հաշվով եւ վաստակեց առաջին երեք միավորը։
Հիշեցնենք, որ մարտին Հայաստանի ազգային հավաքականը կանցկացնի եւս 2 հանդիպում: Մարտի 28-ին՝ ժամը 20:00-ին՝ Վազգեն Սարգսյանի անվան «Հանրապետական» մարզադաշտում, կկայանա երկրորդ տուրի Հայաստան-Իսլանդիա հանդիպումը, իսկ մարտի 31-ին՝ ժամը 20:00-ին՝ Հայաստան-Ռումինիա հանդիպումը: