Կատալոնիայի Սիտժես քաղաքում անցկացվող շախմատի կանանց աշխարհի թիմային առաջնության չորրորդ տուրում Հայաստանի հավաքականը մրցել է Իսպանիայի հավաքականի հետ և առավելության հասել 3,5 ։ 0,5 հաշվով։
Լիլիթ Մկրտչյանը, Աննա Սարգսյանն ու Սուսաննա Գաբոյանը հաղթել են, իսկ Էլինա Դանիելյանը ոչ ոքի է խաղացել։
Առաջին երեք տուրերում A խմբում ընդգրկված Հայաստանի հավաքականը 2,5։1,5 հաշվով հաղթել էր Ֆրանսիայի հավաքականին. 2։2 հաշվով ոչ ոքի խաղացել Ադրբեջանի թիմի հետ, 1,5 ։ 2,5 հաշվով պարտվել Հնդկաստանի թիմին։ Մեր հավաքականը 5 թիմային միավորով երկրորդ տեղում է եւ վերջին տուրից առաջ ապահովել էտեղը քառորդ եզրափակչում։
Խմբերում առաջին չորս տեղերը գրաված թիմերը դուրս են գալիս փլեյ-օֆֆ։