ԱԽ քարտուղար Արմեն Գրիգորյանն այսօր կառավարության նիստից հետո լրագրողներին ասաց, որ Հայաստանի օրակարգում Միութենական պետությանը միանալու հարց չկա։
«Հայաստանի օրակարգում նման հարց չկա։ Եվ եթե նման հարց չկա, իմ դիրքորոշումն այն է, որ Հայաստանը սուվերեն պետություն է, ժողովրդավար պետություն է և պետք է շարունակի մնալ այդպիսին»,- ասաց Արմեն Գրիգորյանը։
Անվտանգության խորհրդի քարտուղար Արմեն Գրիգորյանն այսօր անդրադարձավ նաեւ անդրադարձավ Ադրբեջանի և Թուրքիայի կողմից վավերացված, այսպես կոչված, «Շուշիի հռչակագրին»։ Գրիգորյանը պարզաբաեց, թե ինչու այդ հռչակագրի վերաբերյալ Հայաստանից պաշտոնական արձագանք չի եղել:
«Դուք գիտեք, որ մեր պարբերաբար մեր շուրջն ստեղծված անվտանգային միջավայրը գնահատում ենք և դրա հետ կապված քայլեր ենք կատարում։ Այդ քայլերի մի մասը կարող են լինել հրապարակային, մի մասը՝ ոչ հրապարակային։ Բայց ցանկացած գործընթաց, որը տարածաշրջանում տեղի է ունենում, մեր ուշադրության կենտրոնում է, և անհրաժեշտության դեպքում տարբեր ձևերով արձագանքում ենք ստեղծված իրավիճակին»,- ասաց ԱԽ քարտուղարը:
