ՀՀ առողջապահության նախարար Անահիտ Ավանեսյանն անդրադարձել է COVID-19 համավարակի ավարտի մասին առողջապահության համաշխարհային կազմակերպության հայտարարությանը։ Նախարարը հիշեցրել է, որ Հայաստանում կարանտինային ռեժիմը վաղուց է դադարել. «Որևէ փաստաթղթային փոփոխությունների կարիք չկա։ Ուղղակի սա ընդհանուր, բոլոր երկրներին վերաբերող ռեժիմի վերանայում է»։
Ավանեսյանը նշել է, որ վերջին շրջանում կորոնավիրուսով վարակվածության թվի աճ չկա. «Իրավիճակը կառավարելի է։ Օրվա ընթացքում լինում են դեպքեր, բայց դրանք փոքրաթիվ են»։