ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը հայտարարել է, որ Հայաստանը ստացել է Ադրբեջանի փոխանցած խաղաղության պայմանագրի փաթեթը։
«Այո, ստացել ենք Ադրբեջանի առաջարկները, որոնք արձագանքն են մեր առաջարկների։ Կարելի է ասել՝ այդ առաջարկների երրորդ փուլն է քննարկվում։ Քանի որ դրանք հրապարակման ենթակա մանրամասներ չեն, չեմ կարող հրապարակայնացնել»,- ասել է Աղաջանյանը։
Աղաջանյանը չի բացառել, որ մինչև տարեվերջ տեղի ունենա Հայաստանի ու Ադրբեջանի՝ կամ ղեկավարների, կամ ԱԳ նախարարների հանդիպում։
Հիշեցնենք՝ Ադրբեջանի ԱԳ նախարար Ջեյհուն Բայրամովը երեկ, ՌԴ ԱԳ նախարար Սերգեյ Լավրովի հետ հանդիպմանն, ասել էր, որ Ադրբեջանը պատրաստել և Հայաստանին է ներկայացրել խաղաղ կարգավորման համաձայնագրի նախագիծ։ Հանրապետությունների միջև բանակցությունների երրորդ փուլը կարող է տեղի ունենալ մինչև այս տարվա ավարտը»։
