Սոչի քաղաքում ընթացող շախմատի աշխարհի գավաթի խաղարկության 1/32 եզրափակչի առաջին խաղում Հայաստանը ներկայացնող գրոսմայստեր Հայկ Մարտիրոսյանը մրցել է ադրբեջանցի Շահրիյար Մամեդյարովի հետ և հաղթել նրան:
Գրոսմայստերները ևս մեկ պարտիա կանցկացնեն հուլիսի 19-ին:
Շախմատի աշխարհի գավաթի տղամարդկանց խաղարկությունում Հայաստանը ներկայացնում են 5 շախմատիստ՝ Լևոն Արոնյանը, Գաբրիել Սարգսյանը, Հովհաննես Գաբուզյանը, Հայկ Մարտիրոսյանը և Շանթ Սարգսյանը։
Կանանց մրցաշարում Հայաստանը ներկայացնում է Հայաստանի կանանց հավաքականի առաջատար Էլինա Դանիելյանը։