Արդարադատության նախարար Կարեն Անդրեասյանն այսօր տեղեկացրել է, որ սահմանադրական փոփոխությունների խորհրդի առաջին նիստը կգումարվի առաջիկա շաբաթների ընթացքում:
«Հիմա ակտիվորեն աշխատում ենք, որ վարչապետի հրամանը իրագործվի, այսինքն՝ ձևավորվի այն խորհուրդը, որտեղ կլինեն և խորհրդարանական ընդդիմության, և իշխանության ներկայացուցիչներ, կլինեն հասարակական կազմակերպություններ։ Արդեն մրցույթը հայտարարել ենք, շուտով կամփոփենք մրցույցի արդյունքները, դուք կիմանաք, թե որ հասարակական գործիչներն են այնտեղ տեղ գտնելու, որ արտախորհրդարանական ուժերի ներկայացուցիչները։ Ինչ վերաբերում է բովանդակությանը, ես ունեմ իմ հստակ հայցեակարգային մոտեցումները, բայց թույլ տվեք հիմա դրանք չարտահայտել, որովհետև հույս ունեմ, որ խորհրդի նիստը կլինի առաջիկա շաբաթների ընթացքում, և ես չեմ ուզում կանխորոշել քննարկումները»,- լրագրողների հետ ճեպազրույցում նշել է Կարեն Անդրեասյանը։