Այսօր կայացել է ՀՀԿ Գործադիր մարմնի հերթական նիստը, որը վարել է ՀՀԿ նախագահ, ՀՀ երրորդ նախագահ Սերժ Սարգսյանը։ «Հանրապետկան» կուսակցության Գործադիր մարմնի նիստի ընթացքում որոշվել է, որ ՀՀԿ-ն կմասնակցի Ազգային ժողովի արտահերթ ընտրություններին։
«Հայաստանի Հանրապետական կուսակցությունը որոշում է կայացրել Հայաստանի Հանրապետությունում արտահերթ խորհրդարանական ընտրություններ կազմակերպելու դեպքում մասնակցել այդ համապետական գործընթացին։
Մասնակցության հնարավոր ձեւաչափերի եւ գործակցային առկա առաջարկությունների ամփոփման արդյունքում որոշվել է նախընտրական դաշինքի կազմավորման գործընթաց մեկնարկել «Հայրենիք» կուսակցության հետ», – ասված է Հայաստանի Հանրապետական կուսակցության գործադիր մարմնի հայտարարության մեջ։