ՀՀ Տարածքային կառավարման և ենթակառուցվածքների նախարարի տեղակալ Վաչե Տերտերյանի նախագահությամբ հունիսի 24-ին տեղի է ունեցել ՀՀ վարչապետի 21.06.2021թ. թիվ 726-Ա որոշմամբ ձևավորված միջգերատեսչական հանձնաժողովի նիստ:
Նիստի ընթացքում հաստատվել է ճամբար մեկնող երեխաների առաջին և երկրորդ հերթափոխերի թվաքանակը, հերթափոխերի բաշխումը, ԲՈՒՀ-երի ուսանողներից ճամբարներում ջոկատավարների ներգրավումը, ճամբարներում գտնվող երեխաներին պետական պատվերի շրջանակներում անհրաժեշտ բժշկական (այդ թվում՝ ստոմատոլոգիական) օգնություն տրամադրումը։
ՀՀ ոստիկանությունը շաբաթ և կիրակի օրերին ամառային ճամբարներում շուրջօրյա հերթապահություն կիրականացնի և կապահովի ամառային հանգստի մեկնող և վերադարձող երեխաների անվտանգ տեղափոխումը:
Միջգերատեսչական հանձնաժողովի նիստում քննարկվել է դպրոցակաների ամառային հանգիստը պատշաճ կազմակերպելու վերաբերյալ կարևորություն ներկայացնող այլ հարցեր։