Հայաստանի առողջապահության նախարար Անահիտ Ավանեսյանն ու Արցախի առողջապահության նախարար Միքայել Հայրիյանը քննարկել են համավարակով պայմանավորված՝ առողջապահական համակարգի մարտահրավերները, խոսել համատեղ իրականացվող և նախանշված ծրագրերի մասին, քննարկել հետպատերազմական Արցախի առողջապահության համակարգի արդիականացման գործընթացը:
Առողջապահական գերատեսչությունների ղեկավարներն անդրադարձել են նաև վիրավոր զինծառայողների և քաղաքացիական անձանց բուժման, ֆիզիկական ու հոգեբանական վերականգնման ուղղությամբ տարվող աշխատանքներին: Նախարար Ավանեսյանը այցելել է նաեւ Ստեփանակերտի բժշկական կենտրոն եւ Արցախի «Քերոլայն Քոքսի անվան վերականգնողական կենտրոն»:
