Հունաստանում կործանված ուկրաինական Ան-12 ռազմատրանսպորտային ինքնաթիռը 11,5 տոննա սերբական զենք էր տեղափոխում Բանգլադեշ, մամուլի ասուլիսի ժամանակ հայտարարել է Սերբիայի պաշտպանության նախարար Նեբոյշա Ստեֆանովիչը, նրա խոսքերը մեջբերում է Tanjug գործակալությունը։
Պաշտպանության նախարարության տվյալներով՝ վթարի հետևանքով զոհվել են անձնակազմի բոլոր ութ անդամները։
Որոշ լրատվամիջոցների ենթադրությունները, թե Ան-12-ը զենք է տեղափոխում Ուկրաինա, Ստեֆանովիչը «չարամիտ» է անվանել։ Նրա խոսքով, ինքնաթիռն ուսումնական և լուսավորող ականներ էր տեղափոխում։
