Նուր-Սուլթանում ՀԱՊԿ ստորաբաժանումների կողմից անվտանգության գործառույթների կատարումը հնարավորություն է տվել Ղազախստանի իրավապահ մարմինների ուժերի մի մասը օգտագործել Ալմաթիյում հակաահաբեկչական գործողությունների համար։ Այս մասին շաբաթ օրը հայտնել է Ղազախստանի նախագահի մամուլի ծառայությունը՝ պետության ղեկավար Կասիմ-Ժոմարտ Տոկաևի գլխավորությամբ օպերատիվ շտաբի նիստից հետո։
ՏԱՍՍ-ը փոխանցում է, որ Ղազախստանի նախագահի մամուլի ծառայության տվյալներով՝ Տոկաևը հանձնարարել է հատուկ ուշադրություն դարձնել Ալմաթի քաղաքի և ահաբեկչական հարձակումներից տուժած այլ շրջանների վարչական, սոցիալական և կոմունալ օբյեկտների, ենթակառուցվածքների վերականգնմանը։
«Կասիմ-Ժոմարտ Տոկաևը կոնկրետ հանձնարարականներ է տվել՝ ապահովելու ներգրավված գերատեսչությունների համակարգված և արդյունավետ աշխատանքը՝ երկրի քաղաքացիների շահերից ելնելով իրավիճակը կայունացնելու համար»,- ասվում է մամուլի ծառայության հաղորդագրության մեջ։