РИА Новости-ն տեղեկացնում է, որ ՄԱԿ-ը Հայաստանին և Ադրբեջանին կոչ է անում զսպվածություն ցուցաբերել և չսրել լարվածությունը։
«ՄԱԿ-ը մտահոգությամբ է հետևում հայ-ադրբեջանական սահմանին տեղի ունեցող իրադարձություններին: Մենք բոլոր շահագրգիռ կողմերին կոչ ենք անում զսպվածություն ցուցաբերել և խուսափել ցանկացած գործողությունից, որը կարող է սրել լարվածությունը», – ասել է ՄԱԿ գլխավոր քարտուղարի ներկայացուցիչ Ստեֆան Դյուժարիկը:
«Մենք նաև հասկանում ենք, որ բանակցություններ են ընթանում: Երկկողմ բոլոր չլուծված խնդիրները պետք է լուծվեն խաղաղ ճանապարհով՝ երկխոսությամբ և դիվանագիտական միջոցներով», – ասել է Դյուժարիկը։
