ՄԱԿ-ը Ադրբեջանին ու Հայաստանին կոչ է անում զսպվածություն ցուցաբերել երկու երկրների սահմանին շարունակվող բախումների ֆոնին: Այս մասին ուրբաթ ճեպազրույցի ժամանակ հայտարարել է ՄԱԿ -ի գլխավոր քարտուղարի պաշտոնական ներկայացուցչի տեղակալ Ֆարհան Հակը:
«Մենք շարունակում ենք կողմերին կոչ անել զսպվածություն ցուցաբերել, ձեռնպահ մնալ լարվածության աճին հանգեցնող գործողություններից և երկխոսության միջոցով լուծել առաջացող խնդիրները», – ասել է նա, փոխանցում է ՏԱՍՍ-ը:
Սահմանին իրավիճակը լարված է մնում մայիսի 12-ից: