Մարտի 31-ին՝ 81 տարեկանում մահացել է Արցախի հերոս, գեներալ-մայոր Արկադի Տեր-Թադևոսյանը,՝ Կոմանդոսը։ Արկադի Տեր-Թադևոսյանը ծնվել էր 1939 թվականի մայիսի 22-ին Թբիլիսիում։
1988 թվականից մասնակցել է Արցախի ազատագրման պայքարին։ 1990 թվականին դարձել է «Սասունցի Դավիթ» կամավորական ջոկատի անդամ։ 1991 թվականին նշանակվել է ՀՀ պաշտպանության կոմիտեի արտազինվորական պատրաստության բաժնի պետ։ 1991 թվականի հոկտեմբերի 30-ին Արցախի նորաստեղծ ինքնապաշտպանական ուժերը Տեր-Թադևոսյանի հրամանատարությամբ իրականացված ռազմագործողության շնորհիվ ազատագրեցին ռազմավարական մեծ կարևորություն ունեցող Հադրութի շրջանի Տող գյուղը։ 1992 թվականի մայիսին ակտիվ մասնակցություն է ունեցել Շուշի քաղաքի ազատագրման ռազմագործողության նախապատրաստման աշխատանքներին։
Ա․Տեր-Թադևոսյանը խորհրդային բանակի կազմում ծառայել էր Աֆղանստանում, Գերմանիայում, Չեխոսլովակիայում, Բելառուսում։
