Մանկական Եվրատեսիլի» բեմը պատրաստ է։ Այս մասին հայտնում է Առաջին ալիքը։
«Ահա եվ եվրատեսիլյան բեմը: Բոլոր նրանք, ովքեր հավատում են հրաշքին, կգտնեն այն հենց եվրատեսիլյան բեմում։ «Մանկական եվրատեսիլ 2022-ի» բեմը, ինչպես և խորհրդանիշը, նույնպես կառուցված է հրաշքի շուրջ։ Կենտրոնական բեմը նման է հոլին, իսկ նրա շուրջ լույսով թելերն են, որոնք փոխանցելու են յուրաքանչյուր ելույթի էներգիան»,- ասված է հաղորդագրությունում։
Հիշեցնենք, որ «Մանկական Եվրատեսիլ» երգի 20-րդ մրցույթը դեկտեմբերի 11-ին տեղի կունենա Երևանի Կարեն Դեմիրճյանի անվան մարզահամերգային համալիրում։ Հայաստանը կհյուրընկալի 16 երկրի մասնակցի: Այդ երկրներն են Ալբանիան, Իռլանդիան, Իտալիան, Իսպանիան, Լեհաստանը, Հյուսիսային Մակեդոնիան, Ղազախստանը, Մալթան, Նիդեռլանդները, Պորտուգալիան, Սերբիան, Ուկրաինան, Միացյալ Թագավորությունը, Վրաստանը, Ֆրանսիան։ «Մանկական Եվրատեսիլ 2022»-ին Հայաստանը կներկայացնի Նարե Ղազարյանը։
Հայաստանի ներկայացուցիչ երգչուհի Մալենան հաղթել էր «Մանկական Եվրատեսիլ-2021» երգի մրցույթում: Մրցույթին 14-ամյա Մալենան հանդես էր եկել «Qami Qami» ստեղծագործությամբ և քվեարկության արդյունքում զբաղեցրել առաջին տեղը:
