Իսպանացի մասնագետ Մարսելինո Գարսիա Տորալը կարող է գլխավորել ֆուտբոլի Հայաստանի ազգային հավաքականը: Այս մասին հայտնում է «Վիվառո Մեդիայի» աղբյուրը։
Ըստ աղբյուրի՝ Հայաստանի ֆուտբոլի ֆեդերացիան առաջարկ է կատարել Տորալին: Նա համարվում է Հայաստանի ազգային թիմը գլխավորելու հիմնական թեկնածու, ՀՖՖ-ն այս պահին այլ տարբերակ չի դիտարկում: Մյուս թեկնածուները կդիտարկվեն, եթե 57-ամյա մասնագետի հետ չկարողանան համաձայնության գալ: Նշենք, որ Մարսելինո Գարսիա Տորալը գլխավորել է այնպիսի թիմեր, ինչպիսիք են իսպանական «Սևիլիան», «Վիլյառեալը», «Վալենսիան» և Բիլբաոյի «Աթլետիկը»:
Հիշեցնենք, որ Հայաստանի հավաքականի գլխավոր մարզչի պաշտոնը թափուր է մնացել իսպանացի մասնագետ Խոակին Կապառոսի հեռանալուց հետո: