ՀԱՊԿ հավաքական անվտանգության խորհրդի արտահերթ նստաշրջանի ընթացքում քննրակվում է Ղազախստանում ստեղծված իրադրությունը:
Ղազախստանի նախագահ Կասիմ Ժոմարտ Տոկաեւը նիստի մեկնարկին ներկայացրել է իրադրությունը երկում: Ղազախստանի նախագահը հայտարարել է, որ Ղազախստանում տեղի ունեցած անկարգությունները պետական հեղաշրջման փորձ են, որը համակարգվել է մեկ կենտրոնից:
Ղազախստանի ղեկավարը նաեւ հայտնել է, որ Ղազախստանում ավազակային կազմավորումները փորձել են տիրանալ զենքին ու զինտեխնիկային։ Նա նաև նշել է, որ Ղազախստանում զոհվել է 16 իրավապահ, հստակեցվում է քաղաքացիական զոհերի թիվը։
Բացի այդ, նա հայտարարել է Ղազախստանում անկարգություններին ահաբեկիչների անմիջական մասնակցության մասին, այդ թվում՝ օտարերկրյա զինյալների, Ղազախստանում ահաբեկիչները գործել են առանձնակի դաժանությամբ, երկու զինվոր գլխատվել է։
Տոկաևը նաև ասել է, որ հունվարին Ղազախստանի ճգնաժամը դարձել է ամենամեծը երկրի անկախության պատմության մեջ։ Նրա խոսքով, Ղազախստանում քաղաքական պահանջները լսվել և կատարվել են:
Տոկաևի խոսքով ՀԱՊԿ բոլոր երկրները հանդես են եկել որպես միասնական ճակատ՝ օգնելու Ղազախստանին, ՀԱՊԿ-ն ցույց է տվել իր արդիականությունն ու արդյունավետությունը։ Ինչպես նշել է Ղազախստանի ղեկավարը, ՀԱՊԿ ուժերի ժամանումը օգնել է Ալմաթին ազատագրել ահաբեկիչներից։ Նա նաև շնորհակալություն է հայտնել Պուտինին՝ ստեղծված իրավիճակի կարգավորման հարցում ցուցաբերած օգնության համար։
ՀԱՊԿ գագաթնաժողովի ընթացքում Ղազախստանի նախագահ Կասիմ-Ժոմարտ Տոկաևը շնորհակալություն հայտեց ՀԱՊԿ Հավաքական անվտանգության խորհրդի նախագահ, Հայաստանի Հանրապետության վարչապետ Նիկոլ Փաշինյանին անհրաժեշտ փաստաթղթերի համաձայնեցման հարցում օպերատիվ աշխատանքի համար: