Հայ Առաքելական Եկեղեցու Շիրակի թեմի առաջնորդ Միքայել արքեպիսկոպոս Աջապահյանը՝ Լաչինի միջանցքի փակման թեմայով ընդդիմության կազմակերպած խորհրդարանական լսումների ժամանակ հայտարարել է, որ պետք է ավելի շատ խոսք գնար Լաչինի միջանցքի փակման պատճառների մասին։ Ըստ նրա Բերձորի միջանցքի փակ լինելը մեր դժբախտության կատաստրոֆիկ վիճակի մեկ բաղադրիչն է։
Ըստ ՀԱԵ թեմի առաջնորդի՝ Լաչինի միջանցքն այն հաղթաթուղթն է, որ Ադրբեջանն օգտագործում է ռազմական նկատառումներով.
«Ես իրապես ամոթով եմ նայում Ադրբեջանի և Թուրքիայի միացյալ քաղաքականությանը և ամաչում, թե ինչ գրագետ են գործում նրանք միասին՝ տասնամյակներ շարունակ, իսկ մենք ապիկար, անտրամաբանական միջոցներով փորձում ենք դրա դեմն առնել ու տարբվերվում ենք առավելապաշտության և նվազապաշտության մեջ»,-նշել է Շիրակի թեմի առաջնորդը։
