ՊՍԺ-ի ու Արգենտինայի հավաքականի հարձակվող Լիոնել Մեսին, ով 2020/2021 մրցաշրջանում խաղացել էր «Բարսելոնայի» կազմում, դարձավ «Ոսկե գնդակ 2021»-ի հաղթող։
34-ամյա արգենտինացին 7-րդ անգամ է նվաճում այդ մրցանակը, ինչը ռեկորդային ցուցանիշ է։ «Ոսկե գնդակների» թվով երկրորդ տեղում է Կրիշտիանու Ռոնալդուն՝ 5։
2021 թվականին Մեսին «Բարսելոնայի» հետ հաղթել է Իսպանիայի գավաթում, խփել է 30 գոլ եւ դարձել է 2020/21 մրցաշրջանի Լա լիգայի լավագույն ռմբարկու։ Նա նաև Արգենտինայի հավաքականի կազմում նվաճել է Ամերիկայի գավաթի տիտղոսը։
«Բավարիայի» ու Լեհաստանի ազգային հավաքականի հարձակվող Ռոբերտ Լևանդովսկին, որը նույնպես հավակնում էր «Ոսկե գնդակին», արժանացավ տարվա լավագույն հարձակվողի մրցանակին։
