Վահե Հակոբյանի կուսակցությունը դադարեցնում է գործունեությունը ՀՀ Ազգային ժողովում։ Կուսակցության անդամ չորս պատգամավորներից երեքը՝ կուսակցության նախագահ Վահե Հակոբյանը, փոխնախագահներ Հռիփսիմե Ստամբուլյանն ու Ելենա Կիրակոսյանը, օրենքով սահմանված կարգով դիմում են ներկայացրել` իրենց մանդատներից հրաժարվելու վերաբերյալ։
Ռոբերտ Քոչարյանի «Հայաստան» դաշինքը, որն ամիսներ շարունակ փողոցում ասֆալտ էր «մաշեցնում» խոստանալով մինչև քոքը մաշեցնել իշխանությանը, փաստացի ինքն իրեն մաշեցրեց։ Ճիշտ է, դեռ քոքին չեն հասել, բայց արագընթաց մաշվում են։
Քոչարյանից հեռանում են նրանք, ովքեր գտնում են, որ Ազգային ժողովի բոյկոտը ճիշտ քայլ էր և փողոցային պայքարը պետք էր շարունակել։
Մեծ-մեծ խոսացողները լքում են Ռոբերտ Քոչարյանի նավը։ Բացառություն են կազմում միայն դաշնակցականները և խմբակցության փափկասուն կանայք։ Թեպետ այս երկուսի պարագայում բնականոն գործընթաց է գնում։ Դաշնակցականները սովոր են տարբեր իշխանությունների և առանձին գործիչների գրկում հարմար և երկարաժամկետ տեղավորվելու։ Այս առումով նրանց հետ հավասարաչափ մրցում են նաև «Հայաստան» խմբակցության փափկասուն կանայք։
