Վարչապետ Նիկոլ Փաշինյանը կառավարության նիստում անդրադարձել է «Standard & Poor’s» միջազգային գործակալության կողմից Հայաստանին շնորհված վարկանիշին։
«Վերջին տարիներին մենք երկու անգամ եվրոբոնդերի թողարկում ենք իրականացրել և երկու անգամ էլ տոկոսների պատմական մինիմում է արձանագրվել։ Ընդ որում, վերջին անգամ թողարկում իրականացրել են հունվարին, երբ շատ ծանր մի շրջանում էինք գտնվում։ Այնուամենայնիվ, միջազգային ներդրողները վստահեցին Հայաստանի կառավարության կարողությանը՝ պահպանելու մակրոտնտեսական կայունությունը և հաղթահարելու ճգնաժամը։ Արդյունքում՝ միջազգային ինվեստորները ճիշտ դուրս եկան։ Կարծում եմ՝ միջազգային ինստիտուտների այս գնահատականը շատ կարևոր է, որովհետև պոտենցիալ ինվեստորները, որոնք շատ կոնկրետ բան ունեն կորցնելու, նրանց գնահատականն ունենում է շատ ավելի ընդարձակ ազդեցություն ընդհանուր իրավիճակի վրա»,- ասաց Փաշինյանը։