Մոլդովայի հատուկ ծառայությունների աշխատակիցները ձերբակալել են և խուզարկության են ենթարկել ռուս ռազմական լրագրող Սեմյոն Պեգովին։ Այս մասին հայտնել է ՌԴ պետդումայի պատգամավոր Արտյոմ Տուրովը
Պատգամավորը նշել է, որ Պեգովը տեսանյութեր է պատրաստել Մերձդնեստրի մասին, ինչպես նաև այս հակամարտության կարգավորման գործում Ռուսաստանի խաղաղարար դերի մասին:
Բացի հեռախոսների, նոութբուքերի եւ այլ տեխնիկայի խուզարկությունից եւ մանրակրկիտ ուսումնասիրությունից, հատուկ ծառայության աշխատակիցները սպառնացել են Ռուսաստանի քաղաքացուն, որ նրան կհանձնեն Ուկրաինայի ուժայիններին: Պեգովին մեկ ժամ պահելուց հետո բաց են թողել։