Ռուսաստանի Խաղաղապահ զորախմբի հումանիտար արձագանքման կենտրոնում գործող քաղաքացիների ընդունման կետը շարունակում է աշխատանքը. այնտեղ գործում է Լեռնային Ղարաբաղի հակամարտության անհետ կորած մասնակիցների մասին տեղեկատվություն հավաքելու համար «թեժ գիծ» ծառայությունը:
Որոնումներն իրականացնում են կենտրոնի ռուս զինծառայողները՝ Կարմիր խաչի միջազգային կոմիտեի, ադրբեջանական և հայկական կողմերի ներկայացուցիչների հետ համատեղ: Բոլոր հարցումները գրանցվում են, մուտքագրվում տվյալների բազայում և փոխանցվում որոնման համատեղ խմբերին:
Ընդհանուր առմամբ՝ մոտ 2500 մարդ դիմել է ընդունարան` օգնություն ստանալու համար, այդ թվում` 600-ը զանգահարել է «թեժ գիծ»:
