Ղազախստանի առաջին նախագահ Նուրսուլթան Նազարբաևը գտնվում է հանրապետության մայրաքաղաքում և անմիջական կապ է պահպանում պետության ղեկավար Կասիմ-Ժոմարտ Տոկաևի հետ։ Նազարբաևի մամուլի քարտուղար Այդոս Ուկիբայի խոսքերը մեջբերել է ՏԱՍՍ-ը։
«Էլբասին (ազգի առաջնորդ Նուրսուլթան Նազարբաևը- նշում է ՏԱՍՍ-ը) գտնվում է Ղազախստանի մայրաքաղաք Նուր-Սուլթան քաղաքում: Խնդրում ենք դիտավորյալ կեղծ և ենթադրական տեղեկատվություն չտարածել»,- Twitter-ի իր էջում գրել է Ուկիբայը։
Նա նաև հայտնել է, որ Նազարբաևը մի քանի հեռախոսազրույց է ունեցել Ղազախստանին բարեկամ երկրների ղեկավարների հետ։
««Elbasy»-ն կոչ է անում բոլորին համախմբվել Ղազախստանի նախագահի շուրջ՝ հաղթահարելու առկա մարտահրավերները և ապահովելու մեր երկրի ամբողջականությունը»,- ասել է Նազարբաեւի մամուլի քարտուղարը։
