ՆԱՏՕ-ն պաշտոնապես հրավիրել է Շվեդիային և Ֆինլանդիային միանալ դաշինքին, նշված է կառույցի կայքում։ Այս երկրներն այժմ ունեն հրավիրյալի կարգավիճակ:
«Ֆինլանդիայի և Շվեդիայի միանալը նրանց կդարձնի ավելի անվտանգ, ՆԱՏՕ-ն ավելի ուժեղ և Եվրատլանտյան տարածաշրջանն ավելի ապահով: Ֆինլանդիայի և Շվեդիայի անվտանգությունը Հյուսիսատլանտյան դաշինքի համար առաջնահերթ նշանակություն ունի, այդ թվում՝ անդամակցության գործընթացում»,- ասվում է ՆԱՏՕ-ի հայտարարության մեջ։
Այժմ Շվեդիայի եւ Ֆինլանդիայի մուտքը պետք է հաստատվի ռազմաքաղաքական բլոկի մասնակից 30 երկրների խորհրդարանների կողմից։