ԱՄՆ պետդեպի խոսնակ Նեդ Փրայսը տեղեկացրել է, որ սեպտեմբերի 15-ին կայացել է ՀՀ վարչապետ Նիկոլ Փաշինյանի և ԱՄՆ պետքարտուղար Էնթոնի Բլինքենի հեռախոսազրույցը։
Ամերիկյան կողմի փոխանցմամբ` պետքարտուղարը ցավակցություն է հայտնել մարդկային կյանքերի կորստի համար։
Նա վերահաստատել է ԱՄՆ հանձնառությունը աջակցելու Հայաստանին և Ադրբեջանին լուծելու խնդիրները խաղաղ ճանապարհով։
Բլինքենը նշել է, որ առաջ շարժվելու միակ ուղին դիվանագիտությունն է, և ինքն անձամբ շարունակելու է ներգրավված մնալ այս գործընթացում։