Շվեյցարիան ֆինանսական պատժամիջոցներ է սահմանում ռուսական 3 բանկերի և սահմանափակումներ է մտցնում Պետդումայի 361 պատգամավորների նկատմամբ՝ ճամփորդությունների համար: «ՌԻԱ Նովոստի»-ի փոխանցմամբ այս մասին հայտարարել է Շվեյցարիայի գործող նախագահ Իգնացիո Կասիսը։
Պատժամիջոցներ են սահմանվում 3 բանկերի եւ 361 ռուս պատգամավորների, ինչպես նաև մի շարք ռուս գործարարների նկատմամբ։ Դա արվում է Կոնֆեդերացիայի տարածքով Ռուսաստանի դեմ սահմանված ԵՄ պատժամիջոցների հնարավոր շրջանցումը կանխելու համար։ Կասիսը չի հստակեցրել, թե որ բանկերը կենթարկվեն սահմանափակումների։
«ՌԻԱ Նովոստի»-ն նաեւ հայտնում է, որ Մեծ Բրիտանիայի ավիակարգավորիչը դադարեցրել է ռուսական Աէրոֆլոտ ընկերության թռիչքների թույլտվությունը Մեծ Բրիտանիա։