Ոստիկանության զորքերի հերթական զորախմբի մարտական դիրքեր մեկնելու հանդիսավոր արարողությանը ներկա է եղել ոստիկանության զորքերի հրամանատար Հայկ Բաբայանը: Նա ընդգծել է ոստիկանության զորքերի սահմանապահ առաքելության կարևորությունը, ինչը ծառայողներով հպարտանալու, նրանց նկատմամբ երախտագիտությամբ լցվելու առիթ է։
Տեր Վրթանես քահանա Բաղումյանը հնչեցրել է Տերունական աղոթքը‚ ինչից հետո ոստիկանության զորքերի զինծառայողները երդվել են անձնվիրաբար պահել մեր սահմանների մարտական դիրքերը։ Հանդիսավոր արարողությունն ավարտվել է քայլերթով։
Հաջորդ օրը նույն դիրքերից վերադարձել են ոստիկանության զորքերի մեկ այլ զորամասի ծառայողները։ Նրանց դիմավորել են ոստիկանության զորքերի ղեկավար կազմը, ծառայակից ընկերներն ու հարազատները։