«Ռիա նովոստին» հղում անելով Ուկրաինական լրատվամիջոցներին՝ հայտնում են, որ պայթյուններ են լսվում Կիևում, Կրամատորսկում, Օդեսայում, Խարկովում։
«Հինգշաբթի օրը՝ փետրվարի 24-ին, վաղ առավոտյան, ժամը 5:00-ից հետո (Մոսկվայի ժամանակով 6:00-ից հետո) պայթյուններ են հնչել մի շարք քաղաքներում, այդ թվում՝ Կիևում, առնվազն չորս պայթյուն է գրանցվել Կրամատորսկում, հզոր պայթյուն է որոտացել Օդեսայում, Խարկովում, Բերդյանսկում։ Հզոր հրետակոծություն է սկսվել Դոնբասում»,- ասված է հաղորդագրության մեջ։
Նշվում է, որ պայթյուններ են լսվում նաև մայրաքաղաքում, դրանք լսել են Պոզնյակովի և Տրոյեշչինայի բնակիչները։ «Միևնույն ժամանակ տեղեկություններ կան Բորիսպիլի օդանավակայանի մոտ պայթյունների և կրակոցների մասին», – հայտնել է «Ունիան» գործակալությունը։
Հիշեցնենք, որ այս գիշեր ՌԴ նախագահ Վլադիմիր Պուտինը հայտարարել էր, որ ի պատասխան Դոնբասի հանրապետությունների ղեկավարների կոչին՝ որոշել է հատուկ ռազմական գործողություն իրականացնել։
