Ուկրաինայի արտաքին գործերի նախարարությունը հայտարարում է Սիրիայի հետ դիվանագիտական հարաբերությունների խզման մասին՝ ինքնահռչակ Դոնեցկի և Լուգանսկի հանրապետությունների ճանաչման համար։ Այս մասին հայտնում են ուկրաինական լրատվամիջոցները։
«Մեր դիրքորոշումը հստակ է. մենք հնարավորինս կոշտ ենք արձագանքում Ուկրաինայի ինքնիշխանությունն ու տարածքային ամբողջականությունը խաթարելու և ազգային շահերը բոլոր հնարավոր միջոցներով, այդ թվում՝ դիվանագիտական ճակատում խարխլելու ցանկացած փորձին», – ասել է Ուկրաինայի արտգործնախարար Դմիտրի Կուլեբան։
