Ուկրաինայի նախագահ Վլադիմիր Զելենսկին երեքշաբթի հայտարարել է, որ ստորագրել է փաստաթղթեր՝ ապրանքների առևտրի ձևականությունների պարզեցման և եվրոպական երկրների հետ ընդհանուր տարանցման կարգի մասին կոնվենցիաներին երկրի միանալու մասին։
«Այսօր Գերագույն Ռադան բավականին արդյունավետ աշխատեց և, մասնավորապես, աջակցեց մի քանի կարևոր օրենքների, վավերացրեց փաստաթղթեր, որոնք մեզ ավելի են մոտեցնում Եվրամիությանը: Ես հենց նոր ստորագրեցի փաստաթղթերը ձևականությունների դյուրացման մասին կոնվենցիային միանալու վերաբերյալ»,- իր երեկոյան ելույթում ասաց նա։
Զելենսկու խոսքով՝ այս քայլը եվրոպական երկրների հետ մաքսային «առանց վիզայի» ռեժիմի փաստացի իրականացումն էր։