60-ից ավելի մեր փորձաքննությունները տարվել են այլ երկրներ՝ կրկնակի, եռակի փորձաքննությունների համար և դրանք բոլորը նույնական պատասխան են ստացել: Այս մասին այսօր կառավարության ճեպազրույցում ասաց Առողջապահության նախարար Անահիտ Ավանեսյանը, պատասխանելով զոհված զինծառայողների մասունքների նույնականացման վերաբերյալ հարցին:
«Մենք ունենք դիեր, որոնք ցավոք, նույնականացված են, բայց դեռ չեն հանձնվել հողին»,- ասաց Ավանեսյանը, սակայն թիվ չնշեց:
