Անգլիական «Մանչեսթեր Սիթին» առաջին անգամ դուրս եկավ ֆուտբոլի Չեմպիոնների լիգայի մրցաշարի եզրափակիչ։ Կիսաեզրափակիչի պատասխան խաղում Մանչեսթեր Սիթին» ընդունեց Ֆրանսիայի չեմպիոն ՊՍԺ-ին։
Կատալոնացի Խոսեպ Գվարդիոլայի գլխավորած թիմը հաղթեց 2։0 հաշվով։ Դուբլի հեղինակ դարձավ հարձակվող Ռիյադ Մահրեզը։
Փարիզում տեղի ունեցած առաջին խաղում «Մանչեսթեր Սիթին» հաղթել էր 2։1 հաշվով։
Եզրափակիչի երկրորդ ուղեգիրը մայիսի 5-ին պատասխան խաղում կվիճարկեն Լոնդոնի «Չելսին» ու Մադրիդի «Ռեալը»։ Իսպանիայում տեղի ունեցած այս թիմերի առաջին խաղում գրանցվել էր ոչ ոքի՝ 1։1։